Nesebična pomoć i aktivnosti Crvenog križa Kotor

Time to read
1 minute
Read so far

Utorak, 14. travnja 2020. - 13:08
Autor: 

„Još jedna velika i teška sedmica je za nama. Kotorski Crveni krst ima preko 100 volontera za razne oblasti djelovanja. To su sve iskusnije osobe. Iako se prijavilo puno mlađih od 18 godina, mi smo pravili selekciju i ove mlade ostavili za neka druga, bolja vremena. Ima dosta anonimnih volontera, a većinu našeg tima čine članovi grupe ''KOTORSKO SRCE'', koji su od prvog trenutka zajedno sa nama koji svi dejstvuju kao uigrana ekipa. Podijelili smo preko pet stotina paketa potrepština, namirnica, mliječnih i hemiskih proizvoda. Što se tiče distribucija mi imamo naše ranije spiskove, a sarađujemo i sa drugim socijalnim službama. Znamo da je sada i veliki broj onih koji ne rade i nemaju prihoda, pa su spiskovi prijavljenih za pomoć veoma dugi, i mijenjaju se iz časa u čas...

Građane Kotora, molimo za razumijevanje. Njihove zahtjeve za pomoć analiziramo i planiramo kako da najpravednije dijelimo tu pomoć. Nastojimo da pomoć stigne do onih koji su stvarno ugroženi. Sarađujemo i sa mjesnim zajednicama, one imaju najbolji uvid u socijalno stanje svojih mještana. Svi smo na istom zadatku, u borbi protiv virusa, solidarno i zaboravljajući sve razlike. Samo zajedničkim djelovanjem pomažemo sebi i drugima. Među ljudima kojima pružamo pomoć, imamo puno starijih, OSI i porodica u stanju socijalne potrebe. Osobama u izolaciji nabavljamo  hranu i lijekova, zatim pružamo psiho-socijalnu podršku i sl. Jedno veliko HVALA donatorima koji i u ovoj situaciji pokazuju svoju plemenitu i humanu stranu, misleći na sve nas. Posebno zahvaljujem Industriji mlijeka „Imlek“ i vlasniku restorana  „Verige 65“ na pomoći Imlek u svojim proizvodima , a Verige 65 u paketima hrane, kao i porodicama Milana – Mane i Damjana Danilovića koje su nam donirale 25 paketa hrane i higijene za najugroženije porodice koje su u stanju potrebe.  Bilo je i anonimnih donatora hrane i higijene. Finansijski su nas pomogli Hrvatska građanska inicijativa i Liberalna partija, te nekoliko pojedinaca koji su htjeli da budu anonimni.  Na kraju moram da pohvalim stanovnike Kotora koji su ovu situaciju shvatili ozbiljno, poštujući sva pravila i obavještenja nadležnih organa. Zato smo ponosni na svoj grad, gdje do sada nije zabilježen ni jedan slučaj infekcije korona virusom, pa daj Bože tako i da ostane“ – priopćavaju iz Crvenog križa Kotor.