Tim za ukrašavanje grada Tivta planira napraviti akciju ukrašavanja zadnji vikend ovoga mjeseca -  25.11., 26.11. i 27.11.,  kada će se ukrasi koje je Općina  Tivat naručila, naći na svim lokacijama grada. 

 „Opština Tivat, DOO ,,Komunalno Tivat” i Turisitička organizacija opštine Tivat apeluju na tivatske privrednike da svoje terase, izloge ukrase novogodišnjim ukrasima najkasnije do 1. decembra kako bi istog dana imali kompletno uređenje grada Tivta.

 Poštovani privrednici,

Opština Tivat ove godine je formirala tim za ukrašavanje grada Tivta kako bi na primjerima dobre prakse, na najbolji mogući način ukrasili naš grad u susret božićnim i novogodišnjim praznicima. Tim je formiran od predstavnika različitih instutucija, a isti djeluje na dobrovoljnoj osnovi. Svi smo svjedoci koliko je važno da grad bude lijepo uređen u svakom smislu, a kako se bliži mjesec decembar moramo biti spremni za praznične radosti.

Kako bi svi zajedno doprinijeli da naš grad blista u punom sjaju i da nam u sjaju započne 2024.godina, Opština Tivat i Turistička organizacija opštine Tivat, u saradnji sa svim čelnim institucijama grada, potrudile su se da osmisle bogat program u susret božićnim i novogodišnjim praznicima. Program je koncipiran od koncerata lokalnih izvođača koji će svojim notama dati pečat svakom vikendu nastupajućih praznika. Takođe su 31.decembar i 01. januar namijenjeni za nabolji provod i doček 2024.godine, a cjelokupna priča je začinjena dječijim radostima koje će biti upriličene 23.12.23, 30.12.23 i 08.01.2024.godine. Kompletan program će biti ušuškan između kućica koje nude bogatu gastronomsku i suvenirsku ponudu, a iste će zablistati u novogodišnjem ruhu. Ono što ćini najveću radost jesu zapravo ukrasi i svijetla koja najduže ispunjavaju naša srca.

Veliki akcenat smo stavili na ukrašavanje Gradske rive Pine, zatim kružnih tokova, centra grada, kao i okolnih naselja grada Tivta, ali kako bi postigli najbolji efekat, potrebno je i da izlozi, prilazi, terase i vrata  budu okićeni u novogodišnjem ruhu.

S tim u vezi apelujemo da sopstvene izloge ukrasite novogodišnjim ukrasima i lampicama najkasnije do 01. decembra kako bi istog dana svi zajedno svečano upalili novogodišnju rasvjetu. Unaprijed se zahvaljujemo na razumijevanju i saradnji i želimo da zajedno uplovimo u jednu uspješnu godinu koja je pred nama“.

 
Općina  Tivat i Turistička organizacija općine Tivat