Petra Deković na Rukometnom kampu u Hvaru

Time to read
less than
1 minute
Read so far

Srijeda, 14. srpnja 2021. - 9:29
Autor: 

Naša sugrađanka Petra Deković boravila je u Rukometnom kampu Balić-Metličić na Hvaru, gdje su je podučavala velika rukometna imena. Tom prigodom uputila nam je pismo, koje prenosimo u cijelosti.

„Pozdrav sa Rukometnog kampa Metličić-Balić sa Hvara. Nakon kampa u Rumi, odmorila sam se nekoliko dana uz lake kondicione treninge i nastavila ljetnje pripreme u Rukometnom kampu Metličić-Balić, koji se svake godine organizuje na Hvaru, u Hrvatskoj, ove godine od 8. do 13. jula. Na kampu ima 120-oro djece, od toga je nas 30-ak djevojčica iz raznih krajeva Hrvatske. Ja sam jedina djevojčica iz Crne Gore. Smješteni smo u hotelu u mjestu Jelsa na Hvaru. Sve je jako dobro organizovano. Imamo svakodnevno treninge u sali nedaleko od hotela. Pravo je zadovolujstvo učiti od tako velikih i poznatih trenera, kao što su Petar Metličić i Ivano Balić. Isto tako bih htjela pomenuti iz Rume Andreu Lekić, Jovanku Radičević i Draganu Cvijić. To je za mene jedno veliko iskustvo. Ova dva kampa su poticaj za dalji moj rad i puno su mi pomogli da naučim neke  nove stvari na poziciji pivota koju trenutno igram. Ovim putem pozdravljam moj klub ŽRK Tivat i trenera Đorđa Peruničića, koji je velikim dijelom zaslužan za moj napredak. Pozdrav Tivtu, vidimo se uskoro!“